Endamálið var at stovna eitt kór, sum var til reiðar at takast við fjølbroyttan og avbjóðandi tónleik. Tónleikaskráin fevnir vítt og er sett saman av klassiskum og nútímans tónleiki úr øllum heiminum.
 
Síðani Silvitni varð sett á stovn í 2020, hevur kórið verið sera virkið: tað hevur framført á festivalum, sungið til privat og almenn hátíðarhald og nógv onnur tiltøk.
 
Silvitni hevur javnan luttikið í árligu Kórkappingini í Føroyum og varð heiðrað við 1. plássi í 2022 , 2. plássi í 2023 – 2024 og 3. plássi í 2025.
 
Silvitni hevur fyri kortum luttikið á European Choir Games, og sostatt er kórið sera væl fyri til konsertina í Varpinum.
 
Konsertin verður fyriskipað í samstarvi við Summartónar.

 

• Hvar: Varpið í Klaksvík
• Nær:  20.august, kl.20.
• Kostnaður: 100 kr.