Lýsing
Lýsing
Lýsing

Føroya Politi, Ákæruvaldið og Føroya Rættur verða styrkt!

SKRIVAÐ: Tíðindaskriv  |  19.08.2025 - 09:52 Politikkur Tíðindaskriv

Rættarøkið í Føroyum fær ta neyðugu raðfestingina, sum í fleiri ár hevur verið eftirspurd. Hetta eru góð tíðindi, ið fara at føra við sær einar tryggari Føroyar, umframt betri arbeiðsumstøður hjá øllum teimum, ið arbeiða innan rættarøkið.

 

Sambandsflokkurin á Fólkatingi hevur í fleiri ár arbeitt fyri, og strongt á donsku stjórnina, at batar skulu gerast innan økið.

Hetta er nakað, ið Sambandsflokkurin á Fólkatingi hevur arbeitt fyri í nógv ár.

Danska løgmálaráðið hevur við tíðindaskrivi í dag boðað frá, at føroyska rættarøkið verður uppstigað.

Ítøkiliga inniber hetta hesar raðfestingar av Føroya Politi, Ákæruvaldinum og Føroya Rætti:

Føroya Politi fær nýggja útgerð, ið millum annað styrkir um maritima kapasitetin.

Harafturat fær Føroya Politi fýra ársverk, ið skulu verja sárbær offur og stuðla uppundir fyribyrgjandi- og kanningararbeiðið innan KT-kriminalitet.

Umframt hetta verður betrað um KT-økið hjá Føroya Politi og økt um lutin hjá PET í Føroyum.

Ákæruvaldið verður raðfest við tveimum royndum ákærum.

Føroya Rættur fær sítt KT-økið raðfest, soleiðis at tað er javnstillað við KT-virksemið hjá donsku dómstólunum.

"Eftir mínum tykki hevur rættarøkið verið afturúrsiglt í ov langa tíð. Tað er tískil gleðiligt, at samstarvið hjá mær og stjórnini hevur givið úrslit - eg freistist at siga borið á mál, men enn eru viðurskifti, ið skulu bøtast um. Men uttan iva er hetta eitt stórt fet á rættari kós!" sigur Anna Falkenberg, fólkatingskvinna fyri Sambandsflokkin.

Stutt fyri summarfrítíðina gav Sambandsflokkurin á Fólkatingi út eitt politiskt útspæl, sum tók útgangsstøði í viðurskiftunum hjá Føroya Politi og Ákæruvaldinum.

Endamálið við útspælinum var at varpa ljós á tær avbjóðingarnar, ið rættarøkið í Føroyum hevur, umframt at vísa á loysnir. Útspælið og áheitanirnar til donsku stjórnina tykjast ikki at hava verið fyri deyvum oyrum, tí við fráboðanini í dag er greitt, at samstarv slóðar fyri framgongd.

Útspælið hjá Sambandsflokkinum á Fólkatingi kann lesast her: http://www.saft.fo/Default.aspx?Id=18148

 

Anna Falkenberg, fólkatingskvinna fyri Sambandsflokkurin á Fólkatingi

 

 

 

Lýsing
Seinastu tíðindini
Adrenaline við nýggjum staklagið
Skráin fyri Norð Festivalin 2025 klár! 
Vit fegnast um uppskotið – men meira má…
KÍ kaffi í morgin
Stuttfilmur um Karl í Ánunum
Fantasy prát við Atla Jacobsen og Jákup…
Stovnar 500-milliónagrunn eftir floksvei…
Silvitni í Varpinum
Illgrunin hjá Sirið Stenberg kann kosta…
Toppdystur á Djúpumýru sunnudagin
Ukrainari handtikin fyri Nord Stream-sab…
Í sveitta andlits tíns
Opið hús á Spinnarí­num fríggja­dagin
Leitaðu eftir krabbum til kørini á Sjóma…
Fiski­vinnan verður hildin niðri, meðan a…
U20 gentir og dreingir leika í EM endaum…
Ymiskir prísir, hóast vegastrekki eru ei…
Hvat er El Niño, og hvat ger El Niño?
Hví bleiv Sirið Stenberg forkvinna í Tjó…
Fult hús á Sjónámi