Sámal er ikki hvør sum helst. Í fleiri áratíggju hevur hann verið hin frekki trubadururin, ið hevur skrivað og framført eina ørgrynnu av beinraknum sangum, sum á ein serligan hátt lýsa hetta lítla samfelagið, vit liva í. Sámal er ein garantur fyri góðsku – og tað er helst júst tí, at fyriskipararnir hava litið honum uppgávuna í hendi at verða fyrstur á pallin.

Og tað fær valla verið betri byrjan, tá býurin fer at murra við til “1000 og eina nátt”, “Á trappuni hjá Lenu” og – ikki minst – “Medistarar í Karry”. Sámal fer á pallin kl. 16:00.

OY Voxbotn 2025 verður størri enn nakrantíð. Umframt nakrar av teimum bestu, vit eiga í Føroyum, verða eisini fleiri risa útlendsk nøvn á skránni. Gleð teg til eina rimmar veitslu saman við Ester Kristiansen, Goodboys, Minds of 99, RSP, Byrta, Suspekt, Swangah, Týr – og ikki minst risastóru All Stars-konsertina, har fleiri av okkara fremstu tónleikarum fara at framføra síni størstu hitt.

Keyp atgongumerki beinavegin á ebillet.fo fyri kr. 1.050,- umframt avgreiðslugjald.

OY Voxbotn – í samstarvi við Posta, Føroya Banka, Eta, Atlantic Airways, OY, SMS, Burger King, Effo, Coca-Cola, Nema, Hoyrnin og Red Bull.