Víðari sigur Óli Lassen ið eisini er siviløkonomur og hevur skriva nógv um fiskivinnuviðurskifti, at landið  áhaldandi hevur lækka dagatalið undir Føroyum,  og um man nú ætlar at gera tað soleiðis, at vit ikki kunnu keypa dagar undir Føroyum og kvotu undir Íslandi, tí Hanus Hansen kom inn í felagið og hjálpti okkum, tá tíðirnar ikki vóru so bjartar, so vendir alt øvugt.

Óli M. Lassen, reiðari á Jákup B

Vit hava tey seinastu árini sæð eina stóra endurnýggjan av línuflotanum, har vit eru farin frá gomlum línuskipum til nýggjari frystilínuskip, og er hetta ein sólskinssøga fyri reiðaríðir, manningar og landi sum heild.

Hetta hevði ikki kunna latið seg gjørt uttan í tøttum samstarvið við kapitalsterk reiðaríðir. Men um man nú vil lóggeva soleiðis, at feløg og harvið skip sum JFK eigur í, ikki kunnu ogna sær fiskidagar undir Føroyum ella kvotur við Ísland, so hevur man niðurbundið hesi reiðaríðir til skaða fyri rakstur og inntøku hjá manning, sigur Óli M. Lassen og fer hetta eisini at ávirka komandi inntøkur hjá landinum í form av lægri skattainntøkum, um vit ikki kunnu keypa fleiri rættindir sum lógin leggur upp til, sigur hann at enda í viðmerking við Norðlýsið.