Klaksvíkingurin í B68 hevur víst gott máltev í kappingini um løgmanssteypið.

Jóhan Josephsen skoraði tvey mál í sigrinum á B71 í gjár. Í fyrsta umfari skoraði hann trý mál móti ÍF og tað merkir, at hann er toppskjútti í kappingini um løgmanssteypið saman við Martini Johansen hjá Skála, ið eisini hevur skorað fimm mál. Pætur Petersen hevur skorað fýra mál, men so skulu vit niður til tvey mál. Av hesum trimum er bara Jóhan enn við í kappingini um løgmanssteypið. B68 møtir Víkingi í hálvfinalunum.

Jóhan er útleigaður frá KÍ fram til í summar.