KÍ: Super Saturday skal fagnast
Leygardagin verður sannur fótbóltsdagur í Djúpumýru, tá ið besta liðið hjá kvinnum og monnum skulu spæla toppdyst. Harafturat skulu bæði kvinnur og menn í 1. deild eisini spæla týðandi dystir, og tí spílar Bláa Bylgja seg út, og ynskja vit at síggja nógv fólk til dystirnar.
Í Onglandi verður ofta tosað um "Super Saturday". Heitið verður ofta brúkt tá ið fleiri stórir og spennandi dystir eru á skránni sama dag í Premier League.
Og soleiðis verður eisini í Djúpumýri leygardagin.
Fjepparatiltak í Bláu Stovu og KÍ-Quiz
Skipað verður fyri hugaligum tiltakið í Bláu Stovu, har millum annað verður møguligt at fáa sær ein kaffimunn og okkurt søtt afturvið.
Eisini verður KÍ-Quiz, har vit vóna, at síggja nógv fólk – bæði yngri og eldri – taka lut í einari spennandi og stuttligari spurnarkapping. Spurnarkappingin verður skipað í Pub-Quiz stíli, og tí ræður um at koma á eitt gott lið, um man ætlar sær vinningin, ið er eitt gávukort á 500 kr. upp á Pizza.
Andlistmáling og handilin opin
Bæði børn og vaksin fáa eisini møguleikan at fáa málað andlitið við eyðkenda kongabláa litinum hjá KÍ, so vit koma í veruligan dystarstemning.
Er tað onkur, ið manglar eitt turriklæð, flagg ella okkurt heilt annað, so kann tað keypast í KÍ handlinum, ið eisini hevur opið gjøgnum dagin.
Skráin:
KL. 14.30 – 20.30 KÍ handilin opin
KL. 14.30 – 19.00 KÍ bjóðar kaffi og okkurt søtt í Bláu Stovu
KL. 14.30 – 19.00 Bláa Bylgja skipar fyri andlistmáling
KL. 17.00 KÍ-Quiz – 3 rundur, og 3 gávukort á 500 kr. upp á PIZZA verða burturlutaði
Dystarskrá:
KL. 11.00 KÍ – 07 Vestur (1. deild menn)
KL. 15.00 KÍ –NSÍ (Betri kvinnur)
KL. 17.30 KÍ –B36 (1. deild kvinnur Másheyggur)
KL. 19.00 KÍ –Víkingur (Betri menn)