Løgreglan kannaði bilar og fólk
Í dag var ein sjálvsom hending, tá TERNAN kom á Klaksvík av Syðradali. Fleiri løgreglubilar stóðu á bryggjuni, og tveir bilar vórðu tiknir til síðis til nærri kanningar.
Beint áðrenn klokkan 16, tá lemmurin á TERNUNI fór niður, eygleiddu løgreglufólkini bilarnar, sum komu í land. Tveir bilar vórðu tiknir til síðis, og fólkini í teimum vórðu kannað og tosað við hvør sær.
Onkur av útlendsku ferðafólkunum varð eisini visiteraður av løgregluni. Klokkan 16.30 var løgreglan liðug við kanningararbeiðið á staðnum, og bæði ferðafólk og løgreglubilar fóru av havnalagnum.
Mynd: 24FO.NEWS
Á Løgreglustøðini vilja tey ikki upplýsa, hvat málið snýr seg um. Tey siga bert, at løgreglan hevur framt eina politiuppgávu, og at kanningarnar halda fram.
Mynd: 24FO.NEWS
Greinin er skrivað í samstarvi millum Norðlýsið og 24FO.NEWS.