Fyri at fokusera uppá tann sosiala partin, so vóru allir leikarnir koyrdir í blandaði lið og spældi øll mini-hondbólt. Tað dáma teimum væl. Fyri felagið var tað gleðiligt, at nógv foreldur møtti upp, tí tað styrkir samanhaldið í felagnum. Meðan foreldrini sóu leikarnir hugna sær, so kundi tey fáa sær kaffi og kaku og práta saman, vónandi um felagið ☺ Tá allir dystir vóru leiktir, so var ein felagsmynd tikin. Vit hava í løtuni umleið 190 limir og møttu umleið helvtin upp til hugnadagin. 

Aftaná felagsmyndina var enn ein søga skriva hjá felagnum, tí dreingir 16 fingu handa bronsu-heiðursmerki fyri kappingarárið 2024/25. Hetta var fyrstu ferð, at eitt D16 lið hjá Team Klaksvík fær eitt heiðursmerki.  

David og Ivana takka fyri seg aftaná 4 ½ ár

Hugnadagurin var eisini merktur av, at felagið aftaná 4 ½ ár skulu siga farvæl fyri David og Ivanu, sum hava verið ótrúlig í teirra arbeiða við ungdóminum. Øll sum møttu til hugnadagin fyri møguleikan at heilsa uppá David og Ivanu og takka teimum fyri tíðina nú tey fara heim aftur til Kroatia. 

David og Ivana hava gjørt eitt megnar arbeiðið fyri Team Klaksvík og hondbóltin í Klaksvík. Tey eru dugnalig, nærløgd, fitt og hjálpsom í teirra arbeiðið og hava øll okkara børn trivist væl saman við teimum. Hetta sást aftur á uppmøtingunum til venjingarnar, sum hava verið sera góðar. Tað er eingin ivi, at tey hava ment okkara børn nógv, umframt flutt felagið á eitt hægri støðið, sum vit nú skulu byggja víðari uppá. Orð kunnu ikki lýsta hvussu glað vit hava verið fyri tey og eru vit sjálvandi kedd, at tey fara avstað. Men tað er við stórari virðing, at tey fara heimaftur, men hava vit knýtt sterk vinarbond við tey og vita vit, at vit síggja tey aftur einaferð. 

Felagið í menning og í stórum vøkstri

Fyri hvørt ár sum gongur veksur limatalið. Í ár eru umleið 190 limir, sum eru frá Trille Trolle, sum eru um 2-3 ára aldur, og upp til Burn-deildina. Vit hava fleiri lið í hvørjum aldursbólkum og hava vit í ár havt lið í øllum a-bólkum. 

Øll liðini hava klára seg væl. Vit hava havt fokus á menningina hjá tí einstaka og sæst týðiliga hvussu nógv okkara leikarar hava ment seg seinastu árini. Dreingirnir møta væl upp til venjing, og verða teir ofta verandi í høllini aftaná venjingin er liðug. Teir trívast í venjingarklæðum og einum bólti í hondini, so tað verða nógvir tímar brúktir í høllini. 

D14 royndu seg í steypafinaluni við Tjarnir og fingu gull. Fleiri lið komu í hálvfínalurnar. D16 fingu eitt flott 3. pláss í landskappingini. Sum sagt, so var hetta fyrstu ferð eitt D16 lið fekk heiðursmerki. Onnur lið hava eisini fingið heiðursmerkir og fingu góð úrslit. Vit hava fleiri stórar árgangir og stúra vit ikki fyri framtíðini hjá felagnum. Komandi árini vænta vit enn størri tilgongd. 

Kappingarárið hjá Burn-monnunum er eisini enda. Hóast úrslitini ikki vóru tey bestu, so gleðast vit um at síggja ungar lokalar dreingir vera ein partur av Burn-hópinum. 

Tiltakið 5 A Side, sum er hondbóltur fyri 30+  bleiv sett í gongd í februar og er tað eisini ein stór succes.

Í ár hava vit fingið nýggjar venjarar til ungdómsliðini, sum eisini hava nomið sær stig 1 útbúgvingina hjá HSF. Tað hevur stóran týdning fyri menningina av felagnum, at nýggir venjarar leggjast afturat, so uppgávan kann deilast út á fleiri. Hjálparfólk og foreldur gera tað møguligt hjá okkum at hýsa heimadystum og barnakappingum og eru vit ómetaliga takksom. Hesi eru okkara viðleikarar, sum gera alt møguligt. 

Í ár fingu vit møguleikan at standa fyri vaktarhaldinum til allar steypafinalurnar, sum vóru spældar við Tjarnir. Her skuldi vit hava 140 vaktarpersónar og aftur her vísti øll, at man stóð aftanfyri felagið og hjálptu til, so vit fingu gjøgnumført uppgávuna til UG! Takk!

Vit takka øllum fyri hetta árið og gleða okkum til komandi kappingarár 2025/2026.