Norðlýsi sær út sum litfagrar gardinur á himmalhválvinum. Orsøkin er, at partiklar frá Sólini, sum eru løddir við ravmagni, undir einum sólstormi verða slongdir út í rúmdina. Teir verða ”fangaðir” av magnetfeltinum hjá jørðini og renna her saman við atom og molekylir frá Jørðini, fyrst og fremst við magnetisku pólarnar við Arktis og Antarktis; tað er tí, at aurora-fyribrigdið sæst best og oftast heilt norðalaga og longst suðuri á planetini. Úrslitið minnir um at hita gass upp og fáa tað at gløða.

Tá hetta hendir norðanfyri, verður tað rópt aurora borealis, meðan samsvarandi fyribrigdið við Suðurpólin verður rópt aurora australis. Borealis merkir vindur, og fyribrigdið minnir eisini um gardinur, sum bleiktra í vindinum.

Í norrønu gudalæruni hildu fólk, at Norðlýsið var ein verjugarður, sum varð bygdur úr eygnavippunum hjá frum-jatnanum Ymir, hvørs kroppur er nýttur sum byggitilfar at mynda alla Jørðina úr. Ása-gudarnir bygdu hendan garðin runt kring Miðgarð (ið er Jørðin) fyri at verja menniskjuni ímóti jatnunum, og tí sæst Norðlýsið bert longst norðuri – tað er har, Jørðin endar og ríki jatnanna byrjar, hildu norðbúgvar.