Tá vit vóru á støð í morgun hevði Dalsenni júst landað og tað væl eisini. Um 10.000 pund har mesti parturin er góður stórur toskur. 

Tað sermerkta er, at manningin telur tríggjar sjómansskúlanæmingar - Johannes Nybo, Karstin Eysturskor og Hildebrand á Lakjuni. Teir ganga til dagligt á Sjónám í Klaksvík har teir læra til skipara. 

Teir fóru avstað aftaná skúlatíð í gjár og landaðu snimma í morgun og teir seldu fyri 140.000 kr. Síðani hava teir verið í  skúla í dag og fóru avstað aftur kl. 15.

Johannes sigur at teir fara norð um at royna og teir ætla at verða aftur til skúlatíð í morginárini.

Teir royna við línu.