Vit fara ikki at merkja tað allar ringasta av tí, men tað fara tey sum búgva í Suðuroyggjum (Hebridunum). Tá ið tað er komið nærri, fer hann at leggja seg í landsynning ella eystan, so so fer vindurin at veksa.

Taka vit fyrst veðrið hetta til morgin ári, hava vit eitt fleyr av ymsum ættum, minni enn 5 m/s, klárt ella smáskýggjað og okkurt ælið. Í kvøld veksur hann upp í frískan vind upp í strúk av landsynningi, 8 til 13 m/s, og tað dregur á luftina. Í nátt veksandi upp í hvassan vind ella skrið eystan ella landsynningi, 15 til 20 m/s, samdrigið og ælaveður, men fram ímóti morgni regn.

Hitin í dag 4 til 8 stig.    

Fyrrapartin í morgin er hvassur vindur ella skrið av landsynningi, 15 til 20 m/s, samdrigið og regn, í støðum kanska kavi. Seinnapartin og annaðkvøld minkandi so við og við niður í lot til frískt lot, 3 til 8 m/s, samdrigið og ælaveður við regni, í erva norðanfyri kanska kavi. Um náttina frískt lot til frískan vind eystan, 5 til 10 m/s, skiftandi skýloft og okkurt ælið.

Hitin í morgin 3 til 8 stig.

Sunnudagin lot til frískt lot av landsynningi, 3 til 8 m/s, skýggjað og regn ella ælaveður, í støðum við kava. Seinnapartin og um kvøldið lítið lot av ymsum ættum, minni enn 5 m/s, skýggjað og ælaveður. Um náttina frískt lot til frískan vind av útsynningi, 5 til 10 m/s, smáskýggjað og okkurt ælið.

Hitin sunnudagin 4 til 8 stig.

Gott vikuskifti.