Trý lágtrýst vindi vindi og regni fara hesa vikuna at ferðast í landnyrðing nakað vestan fyri Føroyar, og vit fara tí fyri tað mesta at hava suðurætt ella útsynning frá í nátt og vikuna út. Luftin kemur úr miðjum Norðuratlantshavi, og tí er hon slavin. Ta nógvu vætuna fara vit at síggja hangandi sum tung skýggj niður yvir fjallatindarnar næstan alla tíðina.

Hitalagið fer at vera støðugt úr 3 stigum upp í 9 stig. Tá ið komið er fram í móti vikuskiftinum er kavin næstan allur vekk. Á onkrum høgum fjalli ella fjallatindi fer okkurt helst at vera eftir.

Veðrið í vikuni – dag fyri dag.

Tað hevur verið næstan stilli í morgun, upp í 3 m/s av ymsum ættum. Seinnapartin fer hann at veksa vindin av landsynningi upp í 5 til 10 m/s, men enn samdrigið og yvirhøvur turt. Í kvøld veksur hann upp í skrið, 13 til 18 m/s, samdrigið, og tað fer at regna. Út á náttina frískur vindur upp í strúk av landsynningi og suðri, 8 til 13 m/s, framvegis samdrigið, men ber okkurt ælið. Hitin 3 til 8 stig.

Týsdagin:

Frískur vindur sunnan, 8 til 13 m/s, samdrigið og turt ella okkurt ælið fyrrapartin, men regn út á seinnapartin. Um kvøldið minkar hann vindin niður í lítið lot av útsynningi, minni enn 5 m/s, framvegis samdrigið og regn. Men út á náttina smá- ella hálvskýggjað og tað slítur í. Hitin 4 til 9 stig.

Mikudagin:

Fyrrapartin frískur vindur sunnan, 5 til 10 m/s, ádrigið og yvirhøvur turt. Út á seinnapartin og um kvøldið strúkur í vindi sunnan, 8 til 13 m/s, samdrigið og sum frá líður regn. Um náttina minkar hann vindin niður í frískan vind av útsynningi, 5 til 10 m/s, smá- ella hálvskýggjað og bert okkurt ælið. Hitin 4 til 9 stig.

Hósdagin:

Frískt lot til frískan vind av útsynningi, 5 til 10 m/s, smá- ella hálvskýggjað og okkurt ælið. Hitin 3 til 8 stig.

Fríggjadagin:

Veksandi vindur upp í skrið sunnan, 13 til 18 m/s, samdrigið og regn. Um kvøldið og um náttina frískur vindur upp í strúk sunnan, 8 til 13 m/s, men framvegis samdrigið og regn. Hitin 4 til 9 stig.