Í stuttum er orsøkin djúp lágtrýst sum ganga beint ímóti okkum og fara framvið norðanfyri. Hetta mynstrið í veðrinum sær út til at fara at vera eitt sindur drúgt. Vónandi ikki alt ov drúgt.  

Veðrið í vikuni – dag fyri dag.

Mánadagin:

Fyrrapartin frískt lot til frískan vind vestan, 5 til 10 m/s, við skiftandi skýlofti, sólglottum og ælaveðri, í støðum við vátakava ella heglingi. Fram ímóti middegi fer hann at koma lágt, og út á seinnapartin fer vindurin fer at vaksa til hvassan vind ella skrið, 15 til 20 m/s. Tað dregur á luftina og fer at regna. Hitin 3 til 7 stig.

Týsdagin:

Skrið ella stormur vestaneftir, 18 til 23 m/s, skiftandi skýloft, sólglottar og okkurt ælið. Hitin millum 2 og 7 stig. Seinnapartin strúkur í vindi upp í skrið av útnyrðingi, 13 til 18 m/s. Um kvøldið minkar hann niður í frískan vind upp í strúk, 8 til 13 m/s, skýggjað og regn ella ælaveður, í støðum við vátakava ella kava. Hitin millum frostmarkið og 5 stig.

Mikudagin:

Strúkur í vindi upp í skrið av útnyrðingi, 13 til 18 m/s, skiftandi skýloft, sólglottar og ælaveður, í støðum við vátakava ella kava. Hitin úr 2 kuldastigum upp í 3 hitastig.

Hósdagin:

Fyrrapartin minkandi niður í lot til frískt lot av útnyrðingi, 3 til 8 m/s, skiftandi skýloft og kavaæl, men sum frá líður slítur í. Seinnapartin fer hann niður í landsynning, og veksur so líðandi til frískan vind upp í hvassan vind, 10 til 15 m/s. Tað dregur á luftina, og sum frálíður regn ella vátakavi. Hitin úr 2 kuldastium upp í 7 hitastig.

Fríggjadagin:

Fyrrapartin frískur vindur upp í strúk vestan, 8 til 13 m/s, skýggjað og regn, men sum frá líður ælaveður. Hitin 2 til 7 stig.