Í gjár bóru vit tíðindini at Rúsan skal finna nýggj hølir í Klaksvík, tí tey eru uppsøgd á Sævargøtu 6. Eigari er SMS har Niels Mortensen er stjóri. Vit fingu eitt stutt prát við hann.

Vit ynskja at brúka okkara hølir uppá virksemi sum vit hava. Enn hava vit ikki avgjørt júst hvat av okkara virksemi skal inn í hølini. Vit hava nakað av tíð at umráða okkum í, sigur Niels Mortensen stjóri í SMS við Norðlýsið. 

Niels Mortensen hevur longu deildir av Angus og Bónus í Klaksvík.

Burger King og Sunset eru aðrir handlar, sum halda til í SMS, men sum tó enn ikki eru í Klaksvík.