Ikki serliga turt í vikuni, sum kemur. Ælaveður ella regn hvønn dag. Løturnar, tað er turt, eru stuttar. Einki illveður, men flestu dagar er upp í strúk í vindi ella hvassan vind. Hitalagið ikki serliga jólaligt – upp í 8-9 stig.

Men, nokk um tað á hesum sinni.

Vit fara bara beint til veðrið í vikuni, dag fyri dag:

Mánadagin:

Frískur vindur upp í hvassan vind av útsynningi, 10 til 15 m/s, skiftandi skýloft og ælaveður, kanska heglingur í støðum. Hitin 4 til 9 stig.

Týsdagin:

Frískur vindur upp í strúk av útsynningi, 8 til 13 m/s, skýggjað og ælaveður, í støðum heglingur. Sum frá líður minkandi niður í lot til frískt lot, 3 til 8 m/s, hálvskýggjað og yvirhøvur turt. Hitin 3 til 8 stig.

Mikudagin:

Strúkur í vindi upp í skrið sunnan, 13 til 18 m/s, sum frá líður minkandi niður í frískan vind til strúk í vindi av útsynningi, 8 til 13 m/s. Fyrst samdrigið og regn, men út á dagin skiftandi skýloft og ælaveður. Hitin 4 til 9 stig.

Hósdagin:

Frískur vindur upp í hvassan vind sunnan, 13 til 18 m/s, skiftandi skýloft og regn ella ælaveður. Hitin 4 til 9 stig.

Fríggjadagin:

Frískur vindur upp í hvassan vind av útsynningi, 10 til 15 m/s, skiftandi skýloft og ælaveður, sum frá líður samdrigið og regn. Hitin 4 til 8 stig.