Feløgini hava skyldu til at hava dómarar og hjálpardómarar, sum hava sera stóran týdning fyri føroyskan fótbólt.

Seinastu tíðina kann KÍ fegnast um, at níggju persónar hava tikið hetta skeiðið.

KÍ skrivar:

KÍ DÓMARAR
Seinastu tíðina hava hesir 9 tikið dómaraskeið í Glasrúminum í KÍ høllini
Undirvísingin hevur gingið væl, lagið hevur verið gott og tað er nakað heilt serligt at sita saman á Djúpumýru á hendan hátt. Allir stóðu teir próvtøkuna, við methøgum stigum!!
Tað er okkara egni Áron Vest, sum hevur undirvíst og lært teir alt teir eiga at vita sum dómarar
“framtíðin innan døming í KÍ er serdeilis bjørt, um hetta er útgangsstøðið! Takk til KÍ og FSF fyri at stápla hetta upp” segði ein vælnøgdur Áron.
Hjartaliga tillukku til allar okkara KÍ dómarar
Vit gleðast yvir at tit vilja leggja tíð og orku í at døma í og fyri okkara felag og gleða okkum til komandi kappingarár