Lýsing
Lýsing
Mjølnir vann fjórða sigurin á rað
Í Klaksvík vitjaði TB Mjølnir, og eina løtu sá út sum, at TB fór at bjóða heimaliðnum av, tí TB legði seg á odda 9-8 í fyrsta setti, men eftir hetta kom stígur í hjá TB, og Mjølnir vann settið 25-15.
Mjølnir – TB 3-0 (25-15, 25-12, 25-16)
Var nakar spenningur yvirhøvur um restina av dystinum, so hvarv hann alt fyri eitt, tá ið Mjølnir hevði lagt seg á odda 12-1 í øðrum setti, áðrenn tað varð vunnið 25-12.
Líka skjótt gekk í triðja setti, har Mjølnir legði seg á odda 8-2 og 16-8, áðrenn settið varð vunnið 25-16.
Mjølnir hevur nú vunnið allar dystirnar síðani tapið fyri Fleyr í fyrsta dystinum og er bara eitt stig aftanfyri Fleyr á øðrumplássi, sum hevur spælt ein dyst meira.
Seinastu tíðindini