Lýsing
Lýsing
Lýsing
Donald Trump og Carla Sands. Carla Sands vitjaði sjálv í Klaksvík undir fyrru setuni hjá Trump (2016-2020) og sigst hava viðmælt forsetanum at vitja fiskivinnuhøvuðsstaðin. Søgan sigur tó onki um, hvørt hon verður við á hesum túrinum.

Donald Trump vitjar í Klaksvík

SKRIVAÐ: Jóhann Lützen  |  01.04.2025 - 07:30 Politikkur Tíðindaskriv

Vága Floghavn váttar, at tey hava fingið ein fyrispurning frá Hvítu Húsunum um at lata trý privatflogfør lenda í Vágum einaferð í summar. Talan verður tó ikki um Airforce One, men nakað minni flogfør. Endalig dagfesting er ikki ásett enn.

Á sínum egna sosiala miðili, TruthSocial, skrivar amerikanski forsetin, at hann er gjørdur varugur við, at bæði í Danmark og Grønlandi hava stór mótmæli verið ímóti amerikonskum vitjanum í Grønlandi, men at onki mótmælistiltak hevur verið í Føroyum, og hetta tekur hann sum tekin um, at amerikonsk hjávera er meira vælkomin í Føroyum enn í restini av ríkinum.

Orsøkin til, at valið fellur á júst Klaksvík, er, at fyrrverandi amerikanska sendikvinnan, Carla Sands, hevur vitjað Klaksvík áður og hevur viðmælt forsetanum áhugaverd støð í býnum at vitja. Norðlýsið gjørdi samrøðu við Carlu Sands í 2020 og tá vónaði hon at fáa Donald Trump til Klaksvíkar og nú verður tað veruleiki.

Men eisini nevnir forsetin, at fiskiveiðiavtalan við Russland er ein orsøk:

– ”Á túrinum vilja vit fegin koma í samband við vinnulívsfólk ("great entrepreneurs") í Føroyum og lodda dýpið fyri, um vit kunnu bjóða teimum eina betri avtalu enn ta, tey hava við Putin”, sigur Donald Trump.  

Lýsing
Seinastu tíðindini
Sannfør­andi føroyskur sigur á Tórsvølli
Bókaframløga í Fríðu!
Lea Sofía Skaalum nýggj forkvinna
Føroysk lúsagransking í World Aquacultur…
Norðlýsið er vakurt
Rockpionérur fyllir 70
Video: Skoraberg togaður leysur
Rannsóknarstovan fær varaleiðara
Myndarøð: Skoraberg á veg inn á Klaksvík
So var leyst
Fyrsta almenna orðaskifti um hækkanina a…
Norð­streymoyar Sjálvstýris­felag sett á s…
Menninir byrja Bónuskapping­ina heima í k…
- Onki hol á Skorabergi
Skoraberg rent á land
3. og seinasta umfar av altjóða hópfíggi…
Vága Floghavn tillagar tænastugjøld
Deyðbóltar góvu KÍ trý stig á Svangaskar…
Simulatordepilin latin alment upp
Øll Tjóðveldisáhugað í Varpið leygardagi…