Hevur tú áhuga fyri miðlum, sølu og netvarpi?
Hevur tú bæði kreativitet og evni at byggja samband við kundar?

So er hetta møguliga starvið til tín!

Norðlýsið, lokalmiðilin í Klaksvík, leitar nú eftir einum ágrýtnum og fjølbroyttum starvsfólki, sum kann arbeiða bæði við sølu og framleiðslu av netvarpi – bæði í ljóði og mynd.

Títt arbeiðsøki:

• Søla av lýsingum til heimasíðu, prentað blað og netvarp
• Røkt og menning av kundasambondum
• Framleiðsla og upptøka av netvarpi / poddvarpi – bæði sendingum og lýsingatilfari
• Klipping, redigering og útsending av ljóði og mynd
• Menning av nýggjum hugskotum og verkætlanum innan talgilt tilfar

Vit vænta, at tú:

• Hevur evni og hegni til sølu og kundasamskifti
• Dugir at arbeiða sjálvstøðugt og taka ímóti ábyrgd
• Hevur áhuga fyri miðlateknikki og/ella hevur royndir við ljóð-/videoarbeiði (t.d. poddvarpi, upptøku og redigering)
• Ert kreativ/ur, forvitin og hevur hug at menna nýggjar miðlavegir
• Hevur góð samstarvsevni og ert ein partur av einum toymi

Vit bjóða tær:

• Eitt fjølbroytt og mennandi starv í einum livandi lokalmiðli
• Møguleikan at arbeiða við bæði sølu og miðlaframleiðslu
• Frælsi at seta tín dám á netvarpið og menna nýggjar loysir
• Góða upplæring og stuðul
• Løn eftir avtalu og sambært royndum

Áhugaði kunnu skriva til info@nordlysid.fo ella ringja til Jóhann Lützen á tlf +298 221991