Veðrið um vikuskiftið
Ikki lætt at skriva um veðrið í hesum døgum. Lágtrýstini ganga beint á og steðga beint vestanfyri. Tí er veðrið ikki tað sama í øllum landinum. Rundan um okkum alt næstan alt slag av veðri - næstan eingin vindur upp í fitt av vindi, og turt og hálvklart ella ælaveður við vátakava – og tey troka seg inn á okkum frá øllum ættum.
Sum støðan er nú, fer veðrið í vikuskiftinum at vera soleiðis:
Norðanfyri er frískur vindur upp í hvassan vind eystan, 10 til 15 m/s, samdrigið og regn, í støðum grov vátaslettingsæl. Sunnanfyri, og sum frá líður kring alt landið fer at vera lítið lot millum eystan og sunnan, minni enn 5 m/s, skýggjað og okkurt ælið. Hitin millum 1 og 6 stig.
Í morgin er lítið lot millum sunnan og eystan, minni enn 5 m/s, við skiftandi skýlofti og kanska onkrum æli, kanska sum vátaslettingur. Í støðum helst mjørki, tá ið vit hugsa um ættina. Hitin millum 1 og 5 stig.
Út á kvøldið, fyrst sunnanfyri og út á náttina eisini norðanfyri, byrjar vindurin at veksa til eitt frískt lot sunnan, 3 til 8 m/s.
Um náttina eitt skiftið undir frostmarkinum í fjøllunum, men annars niður um 2 stig, og kavi í ælunum. Seinni á náttini dregur á luftina.
Sunnudagin er enn lot til frískt lot av landsynningi, 3 til 8 m/s, skýloftið skiftandi og okkurt ælið. Seinnapartin frískan vind upp í strúk av landsynningi, 8 til 13 m/s. Um kvøldið og náttina veksur hann í hvassan vind av landsynningi, 10 til 15 m/s, samdrigið og regn. Hitin 1 til 6 stig.
Gott vikuskifti.