Á vegnum ornar hon heilt fitt og gerst óstøðug. Tað síggja vit eisini á skýloftinum, at tjúkkir bøklar standa av havinum og fleiri kilometrar uppeftir, og úr teimum eru kavaæl. Millum bøklarnar eru glottar uppeftir, har bláa luftin sæst. Eru bøklaskýggini nóg høg – upp í 6-7 km – kann toran ganga, og heglingur koma niðurúr.

Veðrið, vit hava havt síðan nýggjárið, fer at vera í dag og morgin eisini. Tann óstøðuga luftin ger eisini vindferðina ójavna kring landið, so tað kann vera væl minni onkra løtu, fyri síðan at veksa aftur.

Hann kemur høgt í dag og í morgin. Vindferðin í dag í miðal 10 til 15 m/s, í morgin eitt sindur minni, 8 til 13 m/s. Báðar dagarnar við skiftandi skýlofti og kavaælingi, í støðum heglingur. Hitalagið (kuldalagið) alt vikuskiftið niður í 4 kuldastig, har sum er kaldast, og so kanska 1-2 upp um frostmarkið, tá ið tað er heitast.

Framhaldandi gott vikuskifti.