Nakað av avfalli í dag, men annars yvirhøvur turt restina av vikuni. Hitalagið fer at liggja upp í 9 stig næstan hvønn dag í vikuni og niður í 4 stig um náttina. Tað gevur ikki nógvan kava, men í støðum har tað er klárt, kann kølna eitt sindur, so at tað er svartakálk á vegi ella í tjørn.

Veðrið jólavikuna í fer at síggja soleiðis út:

Mánadagin:

Fyrrapartin frískt lot til frískan vind av landsynningi, 5 til 10 m/s. Tað dregur á luftina, og sum frá líður fer at regna. Seinnapartin veksur hann upp í frískan vind upp í strúk, 8 til 13 m/s, skýggjað, ælaveður ella regna. Seint á kvøldið ella út á náttina slítur í, og vindurin minkar niður í frískt lot til frískan vind, 5 til 10 m/s. Hitin 4 til 9 stig.

Týsdagin – tollaksmessudag:

Frískt lot til frískan vind sunnan, 5 til 10 m/s, samdrigið og ælaveður. Móti middegi minkar vindurin til lot til frískt lot og gongur upp í vestan 3 til 8 m/s. Hálvskýggjað og yvirhøvur turt. Hitin 5 til 9 stig.

Mikudagin - jólaftan:

Frískt lot til frískan vind av útsynningi, 5 til 10 m/s, hálvskýggjað, í støðum klárt, og yvirhøvur turt. Út á dagin dregur á luftina til samdrigið, men yvirhøvur turt. Hitin 5 til 9 stig. 

Hósdagin – jóladag:

Frískt lot til frískan vind av útsynningi, 5 til 10 m/s. Fyrrapartin halvskýggjað, men út at seinnapartin samdrigið. Yvirhøvur turt allan dagin. Hitin 5 til 9 stig.

Fríggjadagin – 2. jóladag:

Frískt lot til frískan vind av útsynningi, 5 til 10 m/s, skýggjað og yvirhøvur turt. Seinnapartin ella út á kvøldið sama vindferð, men hann gongur upp í útnyrðing, hálvskýggjað og yvirhøvur turt. Hitin 5 til 9 stig.