Fyrstu 3 dagarnar eru tað lítil lágtrýst og onkur hátrýstryggur, sum fara at mynda veðrið. Seinnapartin í vikuni fer eitt lágtrýst at dýpast heilt nógv, og at ganga ímillum Føroyar og Ísland. Vit fara at liggja eystan fyri miðjuna, har sum ættin er millum sunnan og útsynning, meðan tað verður nokkso ilsligt veður.  

Veðrið í vikuni – dag fyri dag:

Mánadagin:

Frískt lot til frískan vind norðan og av landnyrðingi, 5 til 10 m/s. Seinnapartin minkar hann vindin so við og við niður í eitt lítið lot av ymsum ættum, minni enn 5 m/s. Allan dagin hálv- ella smáskýggjað og ælaveður, í støðum vátakavi. Hitin millum frostmarkið og 6 stig.

Týsdagin:

Frískt lot til frískan vind av útsynningi 5 til 10 m/s, skýggjað og ælaveður, í støðum vátakavi. Um kvøldið veksur vindurin upp í frískan vind upp í strúk sunnan ella av útsynningi, 8 til 13 m/s, samdrigið og regn ella vátakavi. Hitin millum 2 og 7 stig.

Mikudagin:

Frískur vindur upp í strúk sunnan, 8 til 13 m/s Seinnapartin hækkandi upp í útnyrðing og minkandi vindur niður í frískt lot til frískan vind, 5 til 10 m/s. Fyrrapartin og seinnapartin skýggjað og regn, men út á kvøldið bert einstøk æl. Hitin millum 5 og 9 stig, um náttina niður móti frostmarkinum.

Hósdagin:

Frískur vindur upp í strúk eystan, 8 til 13 m/s, í støðum upp í hvassan vind, 15 m/s, samdrigið og regn ella vátakavi. Seinnapartin støkkur hann vesturum til útsynning. Um kvøldið gongur hann niður í sunnan og veksur vindin upp í frískan vind upp í hvassan vind, 10 til 15 m/s, skýggjað og ælaveður. Hitin millum 4 og 9 stig.

Fríggjadagin:

Frískur vindur upp í strúk sunnan, 8 til 13 m/s, sum frá líður fer vesturum og gongur upp í útnyrðing, skýggjað og ælaveður. Hitin millum 5 og 9 stig. Um kvøldið veksur hann upp í hvassan vind ella skrið, 15 til 20 m/s. Samdrigið og vátakavi ella kavi. Hitin millum frostmarkið og 5 stig.