Tónleikurin á skrá er í stóran mun eftir tónaskaldið Nicolo Paganini. Paganini var ein framúr violinleikari, men hann var líka so einastandandi sum gittaristur. Hetta er lættur og virtuosur tónleikur úr einum tíðarskeiði í tónleikasøguni, har violinin og gittarin vóru høgt í metum.

Annar tónleikur er eftir norska Ole Bull, sigoynaratónar eftir Vittorio Monti, fólksligur tónleikur úr Sveis, úr Føroyum, og sololag fyri gittara eftir kubanska tónaskaldið Leo Brouwer.

Eitt sindur annarleiðis enn vanligt, og tað er eisini eitt mál við konsertini. Bæði tónleikaliga, og vónandi er tað eisini meiri forvitnisligt hjá lurtarunum. Greitt verður frá um tónleikin, so upplivingin gerst betri og lættari.
Konsertin varir slakan tíma - uttan steðg. Høvið býðst at skoða framsýningina við málningum hjá listamanninum Regin Jørgensen eftir konsertina.

Konsertin er ókeypis. Øll eru hjartaliga vælkomin.

Monika Stauss Joensen, violin, er úr Sveis. Giftist føroyskum manni og búsettist í Leirvík. Hon lók útbúgving á konservatorium í Winterthur, og hevur verið fastur fúsur í Føroya Symfoniorkestri øll árini. Hevur spælt ørgrynnu av konsertum víða um og hevur eisini virkað sum rithøvundi. Í hesum døgum kemur barnabók út hjá henni og Kristfríð Tyril við heitinum “Bartal og Bjarni og vinir teirra.”

Ólavur Jakobsen, gittar, er ættaður úr Havn, av tí kendu tónleika- og listafólkaættini av Kamarinum. Sum ungur tók hann útbúgving á konservatorium í Keypmannahavn og í París. Hann hevur verið víða um sum solistur og tónleikari og er javnan á konsertferð uttanlands. Hann er fastur limur í bólkinum Aldubáruni, ið hann sum ungur var við til at stovna.
Konsertfelagið stuðlar konsertini.

Gallarí Á Stongunum, Stangavegur 13, Klaksvík
Mynd: Kristfríð Tyril / Momo