Greinin lýsir søguna og menningina hjá Einar’s Distillery í Klaksvík, sum er ein partur av familjufyritøkuni Föroya Bjór. Komið verður inn á nærum-aldarlanga sølubannið móti sterkum rúsdrekka í Føroyum, men at bryggjaratraditiónin hjá Waag-familjuni helt fram. Bannið byrjaði í 1907 og gjørdi tað ólógligt at framleiða og selja sterkt rúsdrekka, men loyvdi avmarkaðum innflutningi til privatnýtslu frá Danmark.

Greinin kemur inn á, hvussu Föroya Bjór yvirlivdi hesi árini við at framleiða leskidrykkir undir navninum Jolly, og Jolly-Cola er enn í dag meira vælumtókt enn Coca-Cola í Føroyum. Í 2012 varð bannið móti at framleiða sterkt rúsdrekka avtikið, og Waag-familjan kundi endiliga byrja at framleiða sterkt spiritus; nakað sum hevði verið dreymurin hjá familjuni í fleiri ættarlið.

Einar’s Distillery framleiðir nú akvavitt og whisky við íblástri frá føroyska landslagnum og veðurlagnum, stendur eisini at lesa, og hvussu akvavittið er gjørt úr lokalum urtum og vatni, meðan whisky’ið fær sín serliga smakk frá saltinum í luftini og temperaturinum í Føroyum – umstøður, sum eru ideellar til whisky-lagring.

Annika Waag, fjórða ættarlið í familjuni, greiðir frá. Hon undirstrikar týdningin av at halda fast við siðvenjur og mentan: “Hetta er máti vit altíð hava gjørt tingini — og soleiðis fara vit at halda fram. Tað er okkara arvur.”

Greinin kemur inn á, at distillaríið hevur eisini eina sterka umhvørvisliga tilvitan, har fløskur og kassar verða endurnýtt og endurvunnin. Hóast útflutningur er torførur vegna stødd og staðseting, trýr Annika Waag, at søgan og sermerkta umhvørvið geva vørunum eina dýpd og autensitet, sum whisky-kennarar og -elskarar kring heimin seta stóran prís uppá.

Øll greinin kann lesast her: Greinin í National Geographic